“الحرملك”.. عبر العصور


831551793

ارتبطت مقولة (الحرملك) وهو مقر اقامة حريم السلطان او الملك في القصر الكبير او مقر الحكم بالعصر العثماني، على اساس ان الكلمة في حد ذاتها من اللغة التركية، كمان السلطان العثماني كان بيبالغ كتير في عدد الحريم المخصص لمتعه جناب معاليه.. لكن في الحقيقة ان موضوع الحرملك دا بيرجع لعهود اقدم بكتير من العصر العثماني..

بيقال ان اللفظة نفسها آشورية مأخوذة من كلمة «حرمتو» اي النساء، اما قانونها أو الأعراف الخاصة بها فلم يتغير منذ ظهورها، يعني كان الاعتداء على حريم الملك او الحاكم أكبر من الاعتداء على عرشه. واللي يبص لهم بطرف عين تتقلع له عينيه الأتنين!.. والجواري دي ماحدش يقرب لها طول مالسلطان على قيد الحياة، ولما ربنا يفتكره كان وريثه بيجدد الجواري ويبيع الموجودين كلهم في سوق العبيد او يهادي بيهم اللي يحب يهاديه..

404088_518092621552288_196583192_n

ورد في العهد القديم (البايبل يعني) بعض ايات بتؤكد إن نساء اليهود بعد السبي لبابل كانوا بيقدَّموا لمتعة الملوك والامراء.. يعني ملوك فارس واشور كان عندهم الفكرة بتاعت استخدام النساء السبايا للمتعة، وطبعا دا بيديهم ميزة التنوع و التجديد، وكلما كان فيه مصدر لتوريد البنات الجميلات.. يعني مثلا سوق العبيد البابلي اللي كان بينشط كتير بعد السبي في المعارك وكدا يعني.. ويحكي “سفر استير” عن اليهودية استير التي كانت جارية عند أحد ملوك بابل واستغلت حبه لها في الحصول على بعض المنافع لليهود في زمن السبي..

سوق العبيد البابلي.jpg

ورد كمان ان ملوك العهد القديم داوود وسليمان (عليهما السلام) كان لهم عدد كبير من النساء مابين زوجات أو سرايا، يعني برضه مملكة بني اسرائيل عرفت مفهوم “الحرملك” بصورة او بأخرى..

405659_10150487393938375_358983947_n

اما بقا في بداية العصر الأموي لما توسعت الفتوحات الأسلامية وازدادت رقعة الخلافة، ودخل المسلمين بلاد جديدة لم يعرفوها.. وازدادت النساء في سوق النخاسة بدمشق والبصرة والكوفة وفي الحجاز كمان، تم اختيار افضل العناصر (اللي متنقيين ع الفرّازة يعني) لضمهن لحريم الخليفة (أو ماملكت أيمانه يعني) وبيحكي الطبري في كتابه المشهور (تاريخ الملوك و الأمم) مقولة منسوبة للخليفة عبد الملك ابن مروان: «من اراد ان يتخذ جارية للمتعة، فليتخذها بربرية، ومن ارادها للولد، فليتخذها فارسية، ومن ارادها للخدمة فليتخذها رومية» وطبعا باين اوي ان جنابه كان خبير في النساء، وانه لف على الأنواع دي كلها وأكتر..

كمان فيه روايات وردت عن الخليفة يزيد بن الوليد واللي هام عشقا بجاريته (حبابة) واللي ترك أمور الخلافة من أجلها ومات حزنا عليها ودفن بجوارها..

mepanorama51255

في العصر العباسي، طبعا توسعت دايرة الحريم حتى صار ينسب للخليفة الواحد أكثر من آلاف الجواري وبالذات في عهود المعتصم ومن جاءوا بعده (العصر العباسي الثاني)، خصوصا بعد بناء مدينة سامراء (أو سُرَّ مَن رَأى) وتدخل العنصر التركي في تسيير أمور الخلافة، ابن الأثير بيحكي في كتابه (الكامل في التاريخ) ان قصر الخليفة العباسي المتوكل على الله وجدوا فيه اربعة ألاف جارية، كمان في عهد المعتصم وردت روايات بتتكلم عن اعداد مقاربة من الرقم دا، ناهيك بقا عن الروايات اللي بتحكي عن سيطرة الجواري على بعض الخلفاء وتدخّلها في امور الحكم ونبقي نحكي فيها بعدين على رواقة في تدوينات اخرى (للمزيد طالع هنا)..

383851_10150487395553375_156646224_n

المهم، في عصر الأيوبيين والمماليك اختلف الوضع شوية عن العهود السابقة، يعني لم ترد روايات بتتكلم عن ازدياد عدد الجواري في قصور السلاطين ودا أمر طبيعي لأن الناس دي كانوا بتوع حروب ومعارك لم تتوقف على مدار سنين حكمهم، بعكس خلفاء العصر العباسي اللي كانوا قاعدين فاضيين اغلب الوقت، وبالطبع مش هاينتبهوا لموضوع الحريم الا في اضيق الظروف، وان كانت العملية قد بدأت تتنظم أكثر، وظهرت ألقاب مثل (الهانم) أو السيدة الأولى وهي من الجواري القريبات من قلب السلطان فيعتقهن ويقربهن منه!.. وتصف الرحالة الأنجليزية (صوفيا بول) غرف الحرملك في احد القصور القديمة تقول:

توجد الجواري ذوات البشرة الداكنة، اللواتي يقمن بالخدمات الوضيعة في الحريم، وبعد اجتياز الغرف الخارجية، تتقدم الجواري البيض، اللواتي يستقبلن الضيوف ويحملن قناني من الفضة، فيها ماء معطر للرش، ومباخر فضية تتدلى من سلاسل، والقهوة والنراجيل والشربات والحلوى.

بين الجواري البيض الفائقات الجمال، توجد من هن أرفع مرتبة من الأخريات، يتنقلن بين الأرجاء، ويشرفن على الترتيبات الخاصة بالحريم. ويسود المرح بين هؤلاء السجينات الحسناوات، مع أنهن يمنعن تماماً من أي اختلاط بفرد من الجنس الآخر، ما عدا سيدهن وأقرب أقاربه. أما إذا حاول أي رجل غريب اجتياز المدخل الأول، فإن الموت يكون غالباً جزاء تهوره لحظة اكتشاف أمره.

وفي الأناضول بقا ازدهرت دولة بني عثمان وطبعا مع ازدياد رقعة الدولة في عصر السلطان سليم الأول ومن بعده، دخل الحرملك الخاص بهم جواري من روسيا وبلغاريا والمجر والنمسا، وكانت السلطانة الأم هي المشرفة على الحرملك بالكامل، وبعض المؤرخين الأتراك بيحكوا ان كل من دخلن قسم الحريم في طوب كابي سراي (الباب العالي يعني) كانوا من الروميات البيض (الملظلظات) فالرشاقة ليست الصفة الأهم بين جواري السلاطين في مختلف عصورهم على مايبدو او ظاهر في الرسومات المنقولة، وبيحكي خبراء الحرملك العثماني عن اسلوب الجواري، وبيقولوا ان «جواري الاقبال» يعني اللي اختاروهم من مئات البنات كانوا بيرقصوا وبيغنوا للسلطان في حفلات السمر، وكان من يقع عليها الاختيار، وتلقى الرضا والقبول، يعطيها السلطان منديله، فالمنديل السلطاني كان جواز عبور الى جناحه الخاص، وكان اللي معاها المنديل بتكون موضع حسد الباقي، واحيانا كان بيوزع السلطان اكثر من منديل في الليلة الواحدة، وهنا بقا بيشتغلوا الجماعة (الخصيان) في تنظيم الدخول والخروج حسب الرغبات السامية…

وفي بداية القرن العشرين ورغم اندثار موضة العبيد والجواري وكدا في اماكن كتير من العالم، لكن ظل في تركيا نظام التسرّي بالنساء قائماً ومعترفاً به قانونياً في السنوات الأولى من حكم «اتاتورك» اللي هانتكلم عنه بالتفصيل بعدين في تدوينات لاحقة..

في مصر بقا كان محمد علي باشا له زوجات، ومستولدات (يعني جواري ينجب منهم اطفال بس) وظل نظام الجواري معمول به في قصور ابناء محمد على الى منتصف عهد الخديوي اسماعيل، فاضطر انه يحارب نظام الرق بالكامل وقضى على تجار العبيد في جنوب السودان تماشيا مع انه كان عايز يبني دولة عصرية ويبقا زي اوروبا وكدا.. فتم تحرير جميع الجواري بالقصر الخديوي، وبكدا انتهى عصر الحرملك، واتخذ بعد كدا الخديوي توفيق والخديوي عباس حلمي والملك فؤاد وابنه فاروق، زوجات لا جواري ولا مستولدات ولا محظيات.

وفي العصر الحديث وعلى الرغم من انتهاء عصر الجواري الا ان هناك روايات كثيرة عن علاقات الحكّام النسائية (الخفية طبعا) نبقا نتكلم عنها فيما بعد على رواقة.. ابقوا معنا..

ob_03e467_20

جدير بالذكر انه، وعلى مدار العصور، كانت عملية بيع الجواري العبيد وعرض النساء في اسواق النخاسة ألهمت الكثير من الفنانين العالميين اعمالا فنية رائعة.. نعرض منها التالي:

لطفا شير التدوينة دي لو عجبتك وماتنساش تعمل فولو للمدونة وكمان حسابنا على تويتر اللي موجود تحت..

Advertisements

2 thoughts on ““الحرملك”.. عبر العصور

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

شعار وردبرس.كوم

أنت تعلق بإستخدام حساب WordPress.com. تسجيل خروج   /  تغيير )

Google+ photo

أنت تعلق بإستخدام حساب Google+. تسجيل خروج   /  تغيير )

صورة تويتر

أنت تعلق بإستخدام حساب Twitter. تسجيل خروج   /  تغيير )

Facebook photo

أنت تعلق بإستخدام حساب Facebook. تسجيل خروج   /  تغيير )

Connecting to %s